بھارت میں اجتماعی زیادتی کا ایک اور واقعہ، لڑکی نذرآتش

نئی دہلی(مانیٹرنگ ڈیسک)ایک طرف بھارت میں خواتین کیلئے ایمرجنسی میں مدد کیلئے پتلون تیار ہورہی تو دوسری طرف جنسی زیادتی کے واقعات بھی رکنے میں نہیں آرہے ، بھارتی ریاست اتر پردیش میں زیادتی کا ایک اور ہولناک واقعہ سامنے آگیاجہاں6 ملزمان نے لڑکی کو اجتماعی زیادتی کے بعد زندہ جلاڈالا۔ بھارتی میڈیا کے مطابق یہ ہولناک واقعہ اترپردیش کے علاقے سیتا پور کے گاﺅں بیج پریا میں پیش آیا۔ لڑکی کوتشویشناک حالت میں ہسپتال منتقل کردیاگیا۔والدین کے مطابق وقاص نامی ملزم نے شادی سے انکار پر ساتھیوں کے ساتھ مل کر لڑکی کو اغوا کیا اور اس کے بعد اسے زیادتی کا نشانہ بنایا۔ پولیس نے واقعے کی رپورٹ درج کرلی گئی ہے تاہم ملزم کی نشاندہی کے باوجود کوئی گرفاری عمل میں نہ آسکی۔